Saturday, October 25, 2008

كيف تكتب موضوعا منسقا على بلوجر

مشكلة تواجه الكثير من المدونين
وهي ان الموضوع بعد ما يتكتب وتعمله التنسيق اللي ف دماغك .. تبص بعد النشر تلاقي الكلام ـ كبير .. صغير .. ملخبط .. الأسطر قريبة اووي من بعضها ومفيش مسافات ..إلخ ـ

المشكلة دي وغيرها من مشاكل الكتابة على بلوجر واجهتني ومع الوقت لقيت ان حلها ـ على حسب ما توصلت إليه ـ هو الآتي

بس قبل الحل لازم نعرف أصلا المشكلة سببها ايه
ببعضها أثناء الكتابة والتنسيق HTML وهو اختلاط وتداخل أكواد الـ
والأكواد دي قد تبدو للوهلة الأولى انها معقدة وصعب التعامل معها .. لكن لما تفهم أولها من آخرها هتلاقي الموضوع بالتدريج أصبح عادي جدا

طب ايه اللي بيخلي الأكواد دي تتلخبط وتضيع التنسيق؟
السبب هو ان التنسيق عشان يطلع بشكل مظبوط بدون ما يحصل لخبطة في الأكواد، محتاج ترتيب معين وانت بتنسق سواء خلال كتابتك للموضوع او بعدها
ونفهمها كويس HTML والترتيب ده انا بفضل نأجله لبوست تاني لحد ما نتعامل مع أكواد الـ

ده شريط الأدوات اللي بيتضمن كل ما يخص التنسيق التلقائي

بس تعالوا نحاول نستغنى عن الشريط ده ونعتمد على وضع أكواد التنسيق يدويا بنفسنا
Edit HTML وده طبعا هيتم من خلال تحرير الموضوع في خانة

يظهرلك الشريط بالشكل المبسط ده Edit HTML ولما تضغط على

أكواد التنسيق

الكود الخاص بمواءمة الكلام في الصفحة ـ المنتصف أو اليمين أو اليسار ـ
<div style="text-align: center;">عالم الكمبيوتر</div>
حسب ما تحب وضع الكلام Center وطبعا تقدر تغير
Right - Left

الكود الخاص بحجم الكلام
<span style="font-size: normal;">عالم الكمبيوتر</span>
زي ما تحب normal وتغير كلمة
Small - Smallest - Large - Largest

الكود الخاص بنوع أو شكل الخط
<span style="font-family: Arial;">عالم الكمبيوتر</span>
إلى Arial والأنواع المشهورة من الخطوط تقدر تغيرها من
Tahoma - Courier - Times - Mudir mt

الكود الخاص بلون الخط
<span style="color: black;">عالم الكمبيوتر</span>
طبعا اللون اللي تحبه Black وبدل
Blue - red - green - White .... etc.

---------
دي كده تعتبر الأدوات الأساسية في تنسيق أي موضوع
كل اللي هتعمله انك تنسخ الكود المظلل بالأصفر بالكامل كما هو بالظبط
وبدل كلمة "عالم الكمبيوتر" هتحط النص اللي بتكتبه مع ملاحظة الآتي بدقة ـ
ـ ان كل كود يتكون من شطرين، شطر هيكون قبل النَص وشطر بعده .. ومينفعش العكس .. ومينفعش تحط جزء من الكود وتنسى الجزء اللي بيقفله .. فيكون بالشكل ده

ـ لو انت عايز تخلي البوست كله مثلا جهة اليمين وفي نفس الوقت كله لونه أحمر وحجم الفونت عادي .. الاكواد هتتحط بالشكل ده
-- -- -- --

وكده مش فاضل غير الصور
ازاي ترفع صورة وتحطها في اي مكان يعجبك من غير ما الموضوع يبوظ؟
بمنتهى البساطة
بعد ما تخلص موضوعك كله بتنسيقه اللي يعجبك
Compose إلى Edit HTML تحول وضع الكتابة بدل
وترفع الصورة عادي جدا
ومن غير ما تعمل اي حاجة في ادوات التنسيق اللي في شريط الأدوات
لأنك بكده هتكون خلصته من خلال الاكواد
تقدر تحرك الصورة مكان ما تحب بالماوس

Edit HTML وإذا كنت عايز تحركها بدقة أكتر من خلال الوضع
تظلل الكود بتاعها بدقة
إضغط على الصور للتكبير

وتحطه في المكان اللي يعجبك Cut وتاخده
ولازم تتأكد انك بتاخد كود الصورة بس .. وطبعا هتلاقي أوله وآخره زي منا محدد كده ف الصورة
--------- --------

أفضل انك تاخد نسخة من الاكواد دي وتحفظها عندك على جهازك أو تحطها في بوست درافت وتشتغل بيها في كتابة أي موضوع
انا متأكد ان الموضوع ف الأول هيكون صعب شوية على أي حد أول مرة يتعامل مع الاكواد .. بس مع التعود والممارسة هتكون حاجة عادية جدا وهتلاقيها أسهل بكتير واوفر ف الوقت من انك تنسق الموضوع بالأدوات التلقائية

لو فيه اي استفسار نتناقش فيه ف التعليقات .. اتمنى اني اقدر افيدكم .. وياريت لو حد عنده أفكار أبسط من كده في تنسيق الموضوع يقول واحنا ننشرها ان شاء الله
:)

Monday, June 23, 2008

Kaspersky Antivirus تحميل وتسطيب

بسم الله الرحمن الرحيم
--

نظرا لتكرار الطلب على طريقة تحميل وتسطيب برنامج انتيفيرس

اخترت لكم برنامج كاسبر سكاي


بيقولو عليه أقوى برنامج انتيفيرس .. وهو فعلا برنامج جامد جدا بصراحة وانا جربته وريحني جدا في استخدامه وحمايته قوية لأبعد الحدود ومش بيسيب لا صغيرة ولا كبيرة تعدي من تحت ايده الا لما يأمن عليها الأول .. لدرجة انك لو بتطسب برنامج تاني مثلا والبرنامج ده يحتوي على ملفات مخفية او امتدادها غير معروف ينبهك كاسبرسكاي فورا بوجود ملفات مخفية غير معروفة

أولا نقوم بتحميل البرنامج من موقعه الرسمي .. إضغط هنــا

وسنقوم بتحميل النسخة التجريبية .. وهي تعمل معك لمدة شهر كامل مجانا
وزي ما اتفقنا قبل كده .. مش هنتعامل بقى مع الكراكات ولا المفاتيح اللي بتضرب مدة البرنامج وتزودها .. لأنها طبعا غير مرخصة وتعتبر سرقة لمجهود الغير واستغلاله بغير وجه حق

سيطلب منك فقط ادخال ايميلك كما ترى


سيظهر لك لينك التحميل مباشرة SUBMIT وبعد الضغط على
بالإضافة إلى أنه بيبعته على اميلك كمان
وحجم البرنامج تقريبا 24 ميجا

تسطيب البرنامج سهل جداا ومش معقد .. فقط اضغط على ـ نكست ـ وبعدها قم بالموافقة على اتفاقية الترخيص كما هو المعتاد عند تسطيب اي برنامج


ثم اختار



Install واضغط بعدها على

وبعدهعا ستظهر نافذة اختيار نظام استخدام البرنامج
ونختار النسخة التجريبية


وتابع الظغط على ـ نكست ـ
ليعيد تشغيل الكمبيوتر Finish وبعد الانتهاء اضغط على
ونسيبه فترة كده لحد ما يتم عملية التحديث وهتاخد وقت شوية ف أول مرة بس
وبعدها يعمل ريستارت للجهاز مرة كمان وخلاص بكده يكون البرنامج شغاااال

------
ملحوظات على البرنامج
------
أحب أنبه ان البرنامج ده نظرا لتدقيقه على اي عملية تتم على جهازك فهو يستهلك مساحة كبيرة نوعا ما من الذاكرة .. مما قد يشعرك بإن البرنامج تقيل ومتقل الجهاز .. وده طبعا لو كانت امكانيات جهازك متواضعة .. انما لو كانت الرامات عندك فوق 256 فإن شاء الله مش هتحس بأي مشاكل في عمل البرنامج

تاني حاجة نظرا لأننا نستخدم النسخة المجانية .. ستظهرلك من حين لآخر رسالة جانية مفادها انك تقوم بشراء مفتاح البرنامج او النسخة الكاملة .. وتجاهل هذه الرسالة لايؤثر مطلقااا على عمل البرنامج لمدة الشهر

ولو وجدتم أي مشكلة في استخدام البرنامج ممكن ان شاء الله نخلي الموضوع الجاي شرح لكيفية استخدامه

وفي انتظار اي استفسار

Tuesday, June 10, 2008

Vista_Theme.. for Win_XP

Windows XP تقدر تستمتع بمظهر الفيستا الرائع وانت تستخدم
من خلال برنامج صغير تقوم بتنصيبه على جهازك بمنتهى السهولة

إضغط هنـــا لتحميل البرنامج

البرامج من هذه النوعية كثيرة ومتعددة .. وميزتها انها تخلصك من الشكل والمظهر المعتاد لنظام التشغيل الويندوز .. تغيير يعني
والبرنامج الذي اخترته لكم هو آخر ما رأيت من هذه البرامج أو الحزم


بعد تحميل البرنامج وأثناء اعدادك لعملية التنصيب سترى هذه النافذة


ومنها تستطيع اختيار ما سيقوم البرنامج بتغييره إلى المظهر الجديد

وكل اللي بيعمله البرنامج هو عملية تعديل لبعض ملفات النظام والخاصة بمظهر الويندوز .. وهنا احب انبه انه لازم يكون فيه مساحة كافية على بارتشن ـ سي ـ واللي هتقوم بتنصيب البرنامج عليه .. تقريبا 250 ميجا .. وده لا يؤثر مطلقا على سرعة أداء الجهاز .. مهما كانت مواصفات جهازك محدودة

وبعد اتمام عملية التنصيب للبرنامج .. سيطلب منك اعادة تشغيل الجهاز .. لترى بعدها شكلا مختلف تماما يبدا من شاشة الإقلاع وحتى شكل الملفات والفولدرات ومؤشر الماوس وأصوات التنبيه .... إلخ




Aero, Basic, Dark ويوفر البرنامج ثلاث ثيمات
تقدر تغير بينهم عن طريق .. كليك يمين في اي مكان على الديسكتوب ثم
Properties > Appearance
اختار الشكل الذي تريد Color scheme ومن

ومن نفس النافذه دي ممكن تغير نوع الخط الخاص بأسماء الفولدرات وخط العناوين على شريط المهام والنوافذ والقوائم المنسدلة



..

الموقع الرسمي للبرنامج

VistaMizer
-- --

:) .. وفي انتظار أي استفسار

Thursday, May 15, 2008

-2- المتصفح الرائد


بسم الله الرحمن الرحيم


في الموضوع السابق عن المتصفح الرائد شرحت خاصية حفظ كافة الإعدادات الخاصة بالمتصفح وحفظ صفحاتك المفضلة في مخزن أفانت
بحيث تقدر توصلها وانت في أي مكان سواء قاعد على جهازك او عند حد من زمايلك او قرايبك أو وانت في شغلك .. طالما فيه نت وتقدر تسطب برنامج المتصفح الرائد على الجهاز اللي قاعد عليه

ومن ضمن الحاجات اللي تقدر تحفظها في مخزن أفانت
هي نماذج التعبئة الآلية


وهي ميزة رائعة وجميلة جدا يوفرها المتصفح الرائد
تسهل لك عملية تسجيل دخولك في كافة المواقع اللي انت عضو فيها
زي المنتديات مثلا أو بلوجر أو فيس بوك أو حتى الإيميل .... إلخ

هتفيدك أوي الخاصية دي لو انت عندك مواقع كتير مسجل فيها
وبدل ما تتعرض لنسيان معلومات تسجيل الدخول في هذه المواقع
هتحفظها وتخزنها في المتصفح الرائد بحيث بعد كده
بمجرد ضغطة ماوس واحدة تقدر تعمل تسجيل دخول لموقعك

وهذه البيانات كلها محمية بكلمة سر واحدة انت اللي بتنشئها .. بكل سهولة
وملهاش حد أدنى في طولها .. يعني تقدر تخليها من حرف أو رقم واحد .. أو أكثر

وإليكم الشرح


أولا هتفتح صفحة تسجيل الدخول الخاصة بالموقع اللي انت عايز تحفظ معلومات تسجيل دخولك فيه
وليكن مثلا بلوجر أو حسابك في جوجل عموما

واللي هي الصفحة دي


وبعد ما تكتب الإسم أو الايميل وكلمة السر
وقبل ما تضعط على دخول او تدوس انتر
تيجي على شريط أدوات المتصفح الرائد وتضغط على
تعبئة آلية ثم حفظ النماذج
هتظهر لك نافذة تعبئة آلية جديدة


إضغط على موافق


وأحيانا عند تسجيل دخولك لأي موقع تظهر لك تلقائيا رسالة في أعلى المتصفح


فقط إضغط على كلمة نعم لحفظ النماذج تلقائيا
يعني كده في طريقتين لحفظ نماذج وبيانات تسجيل الدخول

وبكده تكون حفظت في متصفحك معلومات تسجيل الدخول على حساب جوجل واللي بيتضمن حسابك في بلوجر

وللتأكد من حفظه .. إضغط على تعبئة آلية
وفي القائمة المنسدلة هتلاقي رابط تسجيل الدخول المباشر للموقع


وبأي من الطريقتين تقدر تحفظ تسجيل الدخول لأي موقع
-- -- --


إعداد كلمة سر لنماذج التعبئة الآلية المحفوظة في المتصفح


ودي خطوة مهمة جدا ولابد منها لحماية معلوماتك
وعلى فكرة كلمة السر دي بتكون بالإضافة لكلمة السر الخاصة بحسابك أصلا في مخزن أفانت
فاكرينها؟؟ .. اللي اتكلمت عنها في الموضوع السابق
.يعني كده البيانات دي تعتبر محمية مرتين

في شريط أدوات المتصفح إضغط على
تعبئة آليه ثم الحماية ثم كلمة المرور لحماية الإعداد
تظهرلك النافذة دي


ولو دي أول مرة تعمل كلمة سر للنماذج لا تكتب شيء في خانة كلمة المرور الحالية
وبكده عند الضغط على أي رابط من قائمة التعبئة الآلية لتسجيل دخولك لأي موقع انت حفظته .. هيطلب منك ادخال كلمة السر اللي انت لسة عاملها من شوية


-- -- --

لتحميل البرنامج إضغط هنا
-- --

أتمنى يكون الشرح مفيد
ومرحبا بأي استفسار
وادعولي عشان عندي امتحانات من يوم الحد الجاي ان شاء الله
:)



Saturday, May 3, 2008

مشكلة .. وحلها .. وتحذييير

بسم الله

الحمد لله بعد ما كنت بدأت افقد الأمل في استعادة الملفات اللي اختفت من الجهاز
إلا ان ربنا سبحانه وتعالى هداني لحل المشكلة
وبعد ما رجعت الحاجة بفضل الله قلت لازم اكتب اللي حصل بالتفصيل
لعل وعسى حد يقراه ويستفيد منه وكمان عشان محدش يكرر نفس الغلطة الغير مقصودة اللي عملتها
-- -- --

ولازم الأول بجد اشكر الناس الرائعة اللي حاولت تساعدني في حل المشكلة
وبعتولي برامج ريكافري زي حسن أخو منى ماي هوبس
وهـــوندا
وشكر خاص لـ أحمد المبرمج الحر
:D وشكرا جزيلا لكل اللي ترك تعليق وواساني
-- -- --

وإليكم ما حدث

وعشان محدش يتخنق مني .. الكلام اللي هقوله ده قد لا يفيد الكثير فعلا

:D يعني اللي مش غاوي كمبيوتر مايتعبش نفسه في قراءة الموضوع

.. وعشان نفهم الغلطة حصلت منين .. فيه حاجة اساسية لازم نعرفها
يعتمد نظام الويندوز في تشغيله على نظام ملفات معين من عدة أنظمة متاحة
والمستخدم من هذه الأنظمة في الوقت الحالي على إصدارات الويندوز الحديثة
NTFS و FAT32 هما نظامي
وله مميزات عديدة FAT32 حاليا أفضل بمراحل من NTFS ونظام
وعلى نفس الرابط تستطيع قراءة كيفية التحويل بين النظامين من على الويندوز بدون الحاجة إلى برامج
وتوجد ايضا أكثر من طريقة للتحويل بين النظامين .. والأسهل أن تستخدم برنامج
Partition magic مثل برنامج
وهو ده البرنامج اللي انا استخدمته

وهنا يجب التنبيه والتحذير

بدون مشاكل NTFS إلى نظام FAT32 انت تقدر تحول من نظام
ولكن إذا عملت العكس فستتعرض لضياع كافة محتويات البارتشن اللي قمت بتحويل نظامه


وهو ده اللي حصل معايا بالظبط

FAT32 إلى NTFS حولت من
وفوجئت بتغيير كل أسامي الفولدرات الموجودة إلى علامات استفهام

وعند فتح أي فولدر تظهر لي رسالة خطأ بأن مسار الفولدر غير معتمد ولا يستطيع الويندوز قراءته
وكمان لما اجي اشوف مساحة اي فولدر الاقيها صفر بايت .. يعني فاضي
لكن لما اشوف مساحة البارتشن بالكامل الاقي المساحة هي هي اللي كانت موجودة قبل كده ولم تنقص

استخدمت جميع برامج الريكافري .. وهي برامج تساعدك في استعادة ملفاتك المحذوفة عن طريق الخطأ
ولكن للأسف لم تفلح أي محاولة

NTFS المهم .. عملت إعادة لنظام الملفات من تاني ورجعته لـ
.. وعملت تصليح لأخطاء البارتشن من خلال
كليك يمين على البارتشن المراد تصليحه ثم
Properties > Tools > Error checking > Check now > Start

وبعدها اختفت تماما كل الفولدرات اللي كانت اساميها عبارة عن علامات استفهام .. فاكرينها ولا لاء؟ هههههه
ولكن مازالت مساحة البارتشن لم تتغير ولم تنقص
للبارتشن اللي اختفت منه الملفات Browse وعملت Partition magic فتحت برنامج
فظهرت لي فولدرات بهذا الشكل



وعند فتح الفولدرات دي لقيت كل حاجتي اللي كانت مختفية موجودة بداخلها
Browse ومن خلال نفس البرنامج وفي نفس نافذة
أنشأت فولدر جديد


إلى الفولدر الجديد اللي أنشأته FOUND.000 وبدأت أنقل كل محتويات الفولدر
Cut & Paste من خلال

وطبعا تأكدت أولا إن الفولدر الجديد ده ظاهر بالفعل أيضا داخل البارتشن
فقط Browse وليس في نافذة
وبالتالي كل المحتويات اللي نقلتها بداخله أصبحت ظاهرة من جديد
والحمد لله

هو ده كل اللي حصل باختصار شديد
-- -- --

:))) الدروس المستفادة من التجربة

إلا إذا كان الهارد فااااضي FAT32 إلى NTFS لا تقوم بتحويل نظام ملفاتك من

نسخ من ملفاتك المهمة واللي تخاف عليها (Backup) اتعود دايما انك تعمل
وخصوصا لو انت ايدك دايما بتاكلك وبتلعب كتير في جهازك زي واحد صاحبنا هههههه


لو عايز تستفيد كويس في مجال الكمبيوتر عموما لازم تتحلى بالصبر
خليك صبور ولا تمل من تكرار التجارب

استعين بخبرات من سبقوك .. ولا تكتفي بمصدر واحد لمعلوماتك

ابحث جيدا عن مشاكل مشابهة لمشكلتك وتعرف على تفاصيلها جيدا

وقبل كل شيء .. الاستعانة بالله سبحانه وتعالى

:)

Friday, April 18, 2008

معلومات سريعه جـــدا


معلومـــات سريـــعه

معلومات سريعه ومهمه لأي شخص بيستخدم الكمبيوتر
المعلومات دي كانت نتاج لأسئله بعض الأخوة والأخوات
مثلا
ـ 1 ـ كيف تعرف من حذفك من إيميله بدون أي برامج أو مواقع
ـ 2 ـ كيفيه ضغط وفك ضغط الملفات
ـ 3 ـ كيف تضيف مقطع صوتي لمدونتك

ذلك كان الموجز وإليكم التفاصيل
ـــــــــــــــــ


تحــــــــديث
موقع يتيح لك عمل شريط تولبار خاص بك يحتوى على

الراديو

أهم المواقع التي تفضلها

ميزة Rss

يعني تضع روابط المدونات التي تحبها
وأحدث البوستات بها تظهر لك بمجرد الوقوف عليها
ممكن تضيف البرامج التي تفضلها وحاجات كتييييييير الموقع
أحدث الأخبار
الموقع من
هنـــــــــــــــــــــا
أدخل وإعمل شريط زي ماتحب

وهذا مثال

والآن


ـ 1 ـ تريد أن تعرف من حذفك من إيميله؟
--- ---

:D طبعا إحنا جايين نهدى النفوس يا جماعه
المهم بعض المواقع تقدم لك هذه الخدمه لكن طبعا بعد أن تكتب إيميلك فيها وكذلك الباسوورد

وذلك بدون تقديم أي ضمانات
ده طبعا غلط لأن ممكن الإيميل بتاعك يتسرق
المهم عايز تعرف مين حذف إيميلك
إتبع الآتي
.
.

إفتح إيميلك
tools وإفتح قائمه أدوات أو
option ثم أختر منها خيارات أو

privacy تظهر لك نافذه أختر منها الخصوصيه أو
تظهر لك نافذه تحتوى على مستطيلين كده
خليك في المستطيل ناحيه الشمال اللي فيه كل إيميلات من تعرفه
قف بالماوس على الإيميل الذي تريد أن تتأكد
ثم كليك يمين
delete إن وجدت كلمه حذف أو

فعاله يكون للأسف حزفك
وإن لم تكن فعاله
يبقى لسه صاحبك أو صاحبتك
:)) وطبعا إحنا بنهدي النفوس مش أكتر
المهم اتبع الصور




ثــــم




**********
ـ 2 ـ كيفيه ضغط وفك ضغط الملفات
--- ---


( Winrar أو Winzip) مبدئيا لازم يكون عندك أحد برامج فك الضغط
بعد كده الأمر بسيط
لو هتفك الضغط عن ملف ما عليك إلا أن تقف عليه بالماوس ثم كليك يمين
ـ وبيكون جنبها اسم الملف Extract to.. وتختار

أما لو هتضغط ملف
أولا بس نحب نعرف ليه بنضغط ملف
kb100 السبب لتقليل حجمه يعني ممكن ملف يكون

kb20 بعد الضغط يكون

كيفيه الضغط
ببساطه تقف على الملف المراد ضغطه
ثم كليك يمين
ـ اسم الملف Add to.. وتختار



*********

ـ 3 ـ الآن كيف تضيف مقطع صوتي لمدونتك
--- ---


ram إما يكون المقطع اللي هتضيفه بامتداد
أي ريال بلير

mid أو wav أو المقطع بامتداد

ما تشغلش دماغك
في مواقع بتوفر لك كل شئ
مثل
http://imeem.com/
أو
http://boomp3.com/
أو
https://www.podbean.com/login

كل ما عليك أن ترفع المقطع من جهازك
ثم الموقع بيرسله لك على إيميلك
تضغط علي المقطع


يظهر كود

تضيفه بكل سهوله للمدونه

ولو عايز شرح مفصل
اتفضل معنا


https://www.podbean.com/login
الموقع الأخير ده كويس


أول شئ
بتسجل فيه

على فكره اللينك السابق هو لينك التسجيل مباشره

ثم يقوم الموقع بإرسال كلمه السر لك على إيميلك

عندما تصلك الباسورد على إيميلك سجل دخول

واتبع الصور


تظهر لك نافذه فيها حاجات كتير
هي تشبه نافذه مدونتك
يعني ما تقلقش



uploud عندما تريد رفع مقطع ما من جهازك اضغط

كما بالشكل التالي

ثم


تظهر نافذه


اختر كما بالشكل التالي





تظهر لك نافذه اختر شكل البرنامج الذي تريده


أبيض أو أسود
كما بالشكل التالي





تظهر لك نافذه


إما أن تضع عنوان المقطع الذي تريد من على النت


أو تكون رفعت مقطع ما من جهازك وفي تلك الحاله ستظهر المقاطع التى رفعتها تلقائيا كما بالشكل التالي


continue ثم تضغط
كما بالشكل التالي





ستظهر لك صورة كاللآتيه انسخ الكود وضعه بمدونتك


تحتوى على كود المقطع الذي تريد وضعه في مدونتك




لكن كيف تضعه في مدونتك؟


كالأتي


sign in اعمل


لمدونتك ثم اتبع الصور







ثم








ثم
لو كنت تريد إضافه لينك مدونه مثلا

link list اختر


وإن كنت تريد إضافه كود مثل كود الساعه أو كود شات بوكس


أو كود مقطع صوت

html/javascript فاختر





Add to blog وتضغط


كما في الصورة التاليه






ستظهر لك نافذه ضع فيها الكود


ثم


save

-- --


عارفه إن في ناس كتير عارفين كل الحكايات اللي قلتها


بس أكيد في ناس مش عارفه


وأكيد في ناس عندها طرق تانيه


أنا حاولت أتبع الأبسط


مش عارفه قدرت أوصل المعلومه ببساطه ولا لأ
عموما لو في أي استفسار بلغوني


ولو حد عنده طريقه أبسط يحب يضيفها

يبقى أهلا به وبإضافته


وخلاص

Friday, March 28, 2008

-1- المتصفح الرائد ومميزات عبقرية

بسم الله الرحمن الرحيم

Avant Browser


يعتبر أول متصفح استخدمته في حياتي النتية كلها
ولم أندم في يوم اني اتعرفت عليه بصراحة
متصفح عبقري بمعنى الكلمة

هحاول ان شاء الله انقل لكم بعض مميزات هذا المتصفح الرائد
وما اكتشفته فيه خلال الفترة اللي عرفته فيها
وطبعا مش هقدر اخلصها كلها ف بوست واحد
ربنا المستعان


أولا قم بتحميل البرنامج من هنا
وقم بتسطيبه على جهازك

:D وتعالوا أوريكم أنا ليه بحبه أوي كده
----------

:: مخزن أفانت
الميزة دي انا قصدت اني أبدأ بيها لأني شايفها من وجهة نظري
أهم واحلى ميزة في أفانت
فكم مرة فقدت صفحاتك المفضلة بعد تنزيل ويندوز جديد؟
طب عايز تفتح نت في أي مكان تروحو وتلاقي صفحاتك المفضلة وكل ما يتعلق بمحفوظاتك؟
طب عندك كذا شخص بيستخدم الجهاز ومش عايز حد يطلع على صفحاتك المفضلة؟
بخطوات بسيطة جدا تقوم بإنشاء حساب خاص بك بايميلك على أفانت

عند فتح المتصفح تظهر لك نافذة صغيرة اسفل يمين الصفحة
تسمى نافذة الجوار


بعد الضغط على ... دخول ستظهرلك النافذة التالية
إملئ البيانات المطلوبة


وتقدر تدخل بعد كده على حسابك بايميلك وكلمة السر
من خلال نفس نافذة الجوار


الآن قمت بعمل حساب خاص بك على مخزن أفانت
وفيه تستطيع تخزين كل مفضلاتك بحيث تكون محفوظة على سرفر خاص بأفانت
ومؤمَّنة بكلمة سر يعني محدش يقدر يطلع عليها غيرك انت
ولو الويندوز عندك وقع (لو حتى بعت الجهاز كله) صفحاتك المفضلة وجميع محفوظاتك بخير وسلام
وفي أي مكان تروحو مجرد ما تسطب افانت على الجهاز اللي
بتستخدمه (وطبعا تقدر تجيب البرنامج في دقيقة من موقعه وتسطبه بردو في اقل من دقيقة)ـ

وكمان في ملحوظة أحب اقولها (معلش صدعتكم انا اسف)ـ
تقدر تتحكم في ما اذا كنت عايز المتصفح يفتح على حسابك مباشرة
او يفتح ويستنى منك أمر الدخول على الحساب
وده من خلال نافذة الجوار بردو (أجارنا الله وإياكم من كل سوء)ـ
علم على هذا الاختيار


وبالطريقة دي لو فيه 100 شخص بيستخدمو الجهاز
إذا كل واحد منهم عمل حساب خاص بيه
يبقى كأن عند كل واحد منهم متصفح كامل خاص به بمحفوظاته واعداداته
في أحلى من كده؟؟

دلوقت بقى لو محتاج تخرج من حسابك او عايز تبدل من حسابك لحساب تاني
يا اما تقفل البراوسر كله وتفتحه من جديد وتسجل دخول بايميل الحساب التاني
او من خلال شريط الأدوات
تختار ملف .. ومنه كما في الصورة


------ ------


:: كيفية إضافة مفضلة جديدة

.. وانت فاتح الصفحة اللي عايز تحفظها عندك في المفضلة
من شريط الأدوات في أعلى المتصفح
أضغط على المفضلــة .. ومنها مفضلة جديدة
اضغط موافق في النافذة التي ستظهر أمامك


-------------

عشان مطولش عليكم أكتر من كده
دي تعتبر مقدمة لمميزات البرنامج
اللي عشان اخلصها كلها محتاجين ييجي خمس مواضيع او اكتر

المرة الجاية ان احياني الله
هتكلم عن ميزة التعبئة الآليه
وبعض من أسرار استخدامات الماوس مع المتصفح الرائد
حاجات كده ملهاش حل تخلي التصفح متعة

وعندي شبه يقين ان عشاق الفايرفوكس لو جربو الأفانت
يمكن يكون عندهم كلام تاني

:D ايه رأيكم بقى ينفع اشتغل مندوب دعاية؟

Monday, March 10, 2008

برامج التحميل من الإنترنت


بسم الله الرحمن الرحيم

بداية انا مبسوط جدا لاشتراكي في المدونة
وده أول موضوع ليا فيها
وبشكر جدااا المدونة العزيزة سلوى انها اتاحت لي الفرصة دي
ربنا يجعلها في ميزان حسناتنا وينفعنا بيها
ويارب كلنا نستفيد منها ان شاء الله
-- -- --

برامج التحميل من الانترنت
بناء على طلب الاستاذ سووو

اولا .. ايه فايدة البرامج دي؟
لو انت معندكش برنامج تحميل على جهازك وبتستعمل أداة التحميل الافتراضية اللي بيوفرها نظام التشغيل ـ الويندوز ـ قد تواجهك بعض المشاكل
ومن اخطر وارخم المشاكل دي هو ما يلي

لو اثناء عملية التحميل وقبل اكمالها حصل اغلاق للجهاز بأي شكل من الاشكال بقصد او بغير قصد فلابد وللأسف انك ستفقد الاتصال بسرفر التحميل .. وياسلام بقى لو كنت بتحمل ملف كبير وبقالك ساعة مثلا ولا حاجة .. يعني راااحت فلوسك يا صااابر

وكمان احيانا بتكون بعض السرفرات تعبانة او فيها مشاكل او عليها ضغط مثلا .. وبالتالي تكون معرضة للتوقف المفاجئ اثناء عملية التحميل .. يعني نفس القصة .. وفلوسك راحت بردو يا عم صابر

برامج التحميل تريحك نهائيا من المشكلة دي
لأن من ضمن مميزاتها انك مش بتكون مقيد بوقت محدد عشان تحمل ملفاتك .. ونوضح النقطة دي كمان شوية
-- -- --

برامج التحميل كتير .. وانا اكتفيت باتنين منهم بس والاتنين مشهورين جداا وشغلهم سهل اوي
--
برنامج سهل جداا في استعماله
مفيهوش تعقيدات كتير
وخفيف جدا على جهازك
انا شخصيا بستعمله بصراحة

اضغط هنا لتحميل البرنامج
وبعد تحميل البرنامج وتسطيبه على الجهاز سهل جدا

دي واجهته الرئيسية

اضغط على الصور لتراها بحجمها الطبيعي

لبدء تحميل الملفات بالبرنامج يوجد اكثر من طريقة
اما بالضغط مباشرة على رابط التحميل
copy shortcut او نسخ الرابط من خلال كليك يمين ـ
وفي الحالتين ستظهر تلقائيا هذه النافذة
ولابد أن يكون البرنامج في وضع التشغيل


لو حبيت توقف التحميل في اي وقت لأي سبب
فقط اضغط على علامة التوقف المؤقت


واذا حبيت تكمل التحميل مرة تانية
فقط افتح البرنامج واضغط على ستارت


ولو حصل اي مشكلة والجهاز فصل منك مثلا او سرفر التحميل اتعطل
بعد تشغيل البرنامج مرة تانية ستجد رابط التحميل موجود كما هو
فقط اضغط ايضا على ستارت ليكمل التحميل على ما هو عليه
.. ..

الاصدار الاخير من البرنامج يعرض شريط جانبي به بعض الاعلانات لبرامج واشياء اخري
من الافضل ازالة هذا الشريط لتخفيف تشغيل البرنامج .. من خلال

ستظهر لك الرسالة التالية


....

البرنامج يدعم اللغة العربية
View من نافذة البرنامج الرئيسية اضغط
.. واختر


بعدها ستظهر لك نافذة اخري بها قائمة تحوي العديد من اللغات واول لغة فيهم العربية .. اخترها واضغط على ابديت .. وأعد تشغيل البرنامج

وأرجوكم اللي عنده اي استفسار يقول في التعليقات
-- -- --

البرنامج التاني
internet download manager
يعتبر من اشهر برامج التحميل وأقواهم
ويوفر اللغة العربية

اضغط هنا لتحميل البرنامج
والنسخة دي هتشتغل معاك فقط لمدة شهر كامل
وبعد تحميل البرنامج وتسطبيه .. سيطلب منك اعادة تشغيل الجهاز

دي الواجهة الرئيسية


:D أول حاجة هنعملها نغير لغة العرض للغتنا الجميلة
view من شريط الأدوات اضغط على
languge ومنها
Arabic واختر


وبعدها نستطيع بسهولة ان نتعامل مع البرنامج ونكتشف مميزاته
وطريقة التحميل به لا تختلف كثيرا عن السابق
وبردو المجال مفتوح في التعليقات لأي استفسار في البرنامج
.. ..

يوفر هذا البرنامج ميزة جميلة جدا
YouTube وهي امكانية التحميل من
فقط قف في اي مكان في صفحة اليوتيوب ـ ما عدا نافذة عرض الفيديو ـ
واضغط كليك يمين واختار



-- -- --

اعذروني على الاطالة
ومستني تعليقاتكم
:)) ولو في اي استفسار المحل مفتوح اربعة وعشرين ساعة
بس متنسوناش من دعائكم الله يكرمكم