Saturday, May 3, 2008

مشكلة .. وحلها .. وتحذييير

بسم الله

الحمد لله بعد ما كنت بدأت افقد الأمل في استعادة الملفات اللي اختفت من الجهاز
إلا ان ربنا سبحانه وتعالى هداني لحل المشكلة
وبعد ما رجعت الحاجة بفضل الله قلت لازم اكتب اللي حصل بالتفصيل
لعل وعسى حد يقراه ويستفيد منه وكمان عشان محدش يكرر نفس الغلطة الغير مقصودة اللي عملتها
-- -- --

ولازم الأول بجد اشكر الناس الرائعة اللي حاولت تساعدني في حل المشكلة
وبعتولي برامج ريكافري زي حسن أخو منى ماي هوبس
وهـــوندا
وشكر خاص لـ أحمد المبرمج الحر
:D وشكرا جزيلا لكل اللي ترك تعليق وواساني
-- -- --

وإليكم ما حدث

وعشان محدش يتخنق مني .. الكلام اللي هقوله ده قد لا يفيد الكثير فعلا

:D يعني اللي مش غاوي كمبيوتر مايتعبش نفسه في قراءة الموضوع

.. وعشان نفهم الغلطة حصلت منين .. فيه حاجة اساسية لازم نعرفها
يعتمد نظام الويندوز في تشغيله على نظام ملفات معين من عدة أنظمة متاحة
والمستخدم من هذه الأنظمة في الوقت الحالي على إصدارات الويندوز الحديثة
NTFS و FAT32 هما نظامي
وله مميزات عديدة FAT32 حاليا أفضل بمراحل من NTFS ونظام
وعلى نفس الرابط تستطيع قراءة كيفية التحويل بين النظامين من على الويندوز بدون الحاجة إلى برامج
وتوجد ايضا أكثر من طريقة للتحويل بين النظامين .. والأسهل أن تستخدم برنامج
Partition magic مثل برنامج
وهو ده البرنامج اللي انا استخدمته

وهنا يجب التنبيه والتحذير

بدون مشاكل NTFS إلى نظام FAT32 انت تقدر تحول من نظام
ولكن إذا عملت العكس فستتعرض لضياع كافة محتويات البارتشن اللي قمت بتحويل نظامه


وهو ده اللي حصل معايا بالظبط

FAT32 إلى NTFS حولت من
وفوجئت بتغيير كل أسامي الفولدرات الموجودة إلى علامات استفهام

وعند فتح أي فولدر تظهر لي رسالة خطأ بأن مسار الفولدر غير معتمد ولا يستطيع الويندوز قراءته
وكمان لما اجي اشوف مساحة اي فولدر الاقيها صفر بايت .. يعني فاضي
لكن لما اشوف مساحة البارتشن بالكامل الاقي المساحة هي هي اللي كانت موجودة قبل كده ولم تنقص

استخدمت جميع برامج الريكافري .. وهي برامج تساعدك في استعادة ملفاتك المحذوفة عن طريق الخطأ
ولكن للأسف لم تفلح أي محاولة

NTFS المهم .. عملت إعادة لنظام الملفات من تاني ورجعته لـ
.. وعملت تصليح لأخطاء البارتشن من خلال
كليك يمين على البارتشن المراد تصليحه ثم
Properties > Tools > Error checking > Check now > Start

وبعدها اختفت تماما كل الفولدرات اللي كانت اساميها عبارة عن علامات استفهام .. فاكرينها ولا لاء؟ هههههه
ولكن مازالت مساحة البارتشن لم تتغير ولم تنقص
للبارتشن اللي اختفت منه الملفات Browse وعملت Partition magic فتحت برنامج
فظهرت لي فولدرات بهذا الشكل



وعند فتح الفولدرات دي لقيت كل حاجتي اللي كانت مختفية موجودة بداخلها
Browse ومن خلال نفس البرنامج وفي نفس نافذة
أنشأت فولدر جديد


إلى الفولدر الجديد اللي أنشأته FOUND.000 وبدأت أنقل كل محتويات الفولدر
Cut & Paste من خلال

وطبعا تأكدت أولا إن الفولدر الجديد ده ظاهر بالفعل أيضا داخل البارتشن
فقط Browse وليس في نافذة
وبالتالي كل المحتويات اللي نقلتها بداخله أصبحت ظاهرة من جديد
والحمد لله

هو ده كل اللي حصل باختصار شديد
-- -- --

:))) الدروس المستفادة من التجربة

إلا إذا كان الهارد فااااضي FAT32 إلى NTFS لا تقوم بتحويل نظام ملفاتك من

نسخ من ملفاتك المهمة واللي تخاف عليها (Backup) اتعود دايما انك تعمل
وخصوصا لو انت ايدك دايما بتاكلك وبتلعب كتير في جهازك زي واحد صاحبنا هههههه


لو عايز تستفيد كويس في مجال الكمبيوتر عموما لازم تتحلى بالصبر
خليك صبور ولا تمل من تكرار التجارب

استعين بخبرات من سبقوك .. ولا تكتفي بمصدر واحد لمعلوماتك

ابحث جيدا عن مشاكل مشابهة لمشكلتك وتعرف على تفاصيلها جيدا

وقبل كل شيء .. الاستعانة بالله سبحانه وتعالى

:)

21 comments:

و القادم....أجمل said...

طيب ممكن احجز أول تعليق
و أرجع تاني
:)

و القادم....أجمل said...

امممممممممم
الموضوع كبير
:D

الحمدلله إنك قدرت تحل المشكلة
بس فعلا أنا نزلت جيبت سي دي هات
عشان أنزل صور الأطفال اللي عندي
:)

أنا نفسي و الله أفهم أوي في الكومبيوتر
في النظام و الويندوز و الكلام دا
بس مش عارفه أبدأ إزاي
أو أبدأ منين

ربنا ييسر الواحد ياخد كام كورس كده
بس بعد منخلص على خير
إن شاء الله

ربنا يجازيك كل خير
و يوفقك إن شاء الله

إحترامي و تقديري
:)

سلوى said...

الحمد لله
والله فرحانه إن حاجاتك رجعت

وأهو طبعا بنتعلم

جميل إنك عرضت المشكله للفائده

جزيت خيرا محمود

خمسة فضفضة said...

السلام عليكم ورحمة الله وبركاته

مبروووووووووووووووك

Unknown said...

ولو انى مش فاهمة حاجة من كل اللى اتقال فى البوست ده .. بس الظاهر كدة والله اعلم ان كان فى حاجات ضايعة منك ورجعتلك تانى

الف الف الف مبرووووووك
:D

Dr. Ibrahim said...

تمام حضرتك
انا وقعت فى نفس المشكلة
ونفس الحركات بالظبط
بس اتحلت لو كنتى سألتى كنت قلت

د/هيما

http://kasperb4.blogspot.com/ said...

و القادم....أجمل
------------------
أول تعليق وتاني تعليق كمان
بس كده؟
:D أي خدمة


وكويس الحمد لله ان الموضوع ده خلاكي تستعدي لحفظ حاجتك المهمة
شدي حيلك بس ومتكسليش
محدش عارف ممكن يحصل ايه ف جهازك كمان شوية ههههه

بصي هي حكاية الكمبيوتر دي مش صعبة ولا كيميا
كل الحكاية محتاجة شوية صبر ودماغ رايقة شوية وحبة لغة انجليزي كده على شوية مصطلحات مع كام استشارة من كذا حد بيفهم ف الموضوع
وطبعا افضل حاجة الكورسات دي

وربنا يوفقك دايما
واسعدني جدا تواجدك والله

http://kasperb4.blogspot.com/ said...

Salwa
-------
وجزاك يا سلوى
ربنا يكرمك ويبارك فيكي



خمسة فضفضة
-----------
وعليكم السلام ورحمة الله وبركاته

الله يبارك فيكي يا دكتورة
منورانا والله
:)

http://kasperb4.blogspot.com/ said...

إنـســـانـة
-------------
يااااه
انسانة بحالها عندنا
يا مرحبا يا مرحبا
ازيك وازي الواد كوكو عامل ايه

الله يبارك فيكي والله
هو فعلا كانت حصلت مشكلة ف الكمبيوتر بس الحمد لله كله تمام
نورتينا يا انسانة




Dr-hema
---------
يا سلام يا دكتور هيما
بعد ايه بقى هههههه

الف شكر ليك وربنا يبارك فيك

بنات افكارى said...

السلام عليكم

الحمد لله والف مبرووووووووك
ولما تلعب بعد كدا فى الجهاز
تلعب براحة وتخلي بالك مش كل مرة
هاتسلم مش عارفة ايه كدا ماعلينا
المهم تبطل كسل وتبدء تحفظ ممتلكاتك للزمن محدش ضامن الظروف وان شاء الله
ماتتكررش الحكاية دي ربنا يسعدك دايما
صحيح الشرح فيه كلام كتير مافهمتوش بس الحمد لله وصلي كذا معلومة جديدة ربنا يبارك فيك وييسرلك احوالك

http://kasperb4.blogspot.com/ said...

بنات افكارى
--------------
وعليكم السلام ورحمة الله وبركاته
اهو اهم حاجة بقى ان وصلك كذا معلومة
دي الحاجة اللي تبسطني فعلا
وهو ده هدفي من كتابة البوست ده

مستني زياراتك دايما ان شاء الله
:)

Dr. Ibrahim said...

لا ياباشا
انا اقولك السر
السر فى اسطوانة
هيرنز
تعرفها
hierns
اسطوانةروعة إسأل عنها
د/هيما

Bongo said...

حمد لله علي سلامة الفايلات

انا كنت في نفس المشكلة قريب

و الحمد لله اتحلت
بالريكوفري بردو

تحياتي ليك

بالتوفيق

Soooo said...

طب انا دلوقتي في عندي حوار غريب
كل ما اجي ادوس على الفايل بتاع
my received files
الجهاز يهنج ومش باعرف ادخل عليه
ولما باجرب كده بالحظ وعملت رايت كليك ولقيت
browse with ACDsee
الحاجات ظهرتلي وفعلا لحقتها ونقلتها على مكان تاني

في اعتقادك ايه السبب ؟؟
هل ده معناه ان المكان ده عالهارد فيه باد سكتورز ولا ممكن تهييسة ويندوز وانزل نسخه جديده؟؟؟


نرجو الافاده عشان الحق الضمان لو الهارد ضرب




سلاموووووووووووز

son's egypt said...

السلام عليكم
الحمد لله ان الملفات رجعت تاني
وكرا جدا علي المعلومة الجيدة
اني مكنتش فاهم اوي الفرق بي نظام fates ntfes

http://kasperb4.blogspot.com/ said...

Dr-hema
-----------
أيوة يا دكتور هيما
عارفها الاسطوانة وعندي
بس مالها يعني؟
:)

http://kasperb4.blogspot.com/ said...

Bongo
-------
الحمد لله فعلا
وربنا ما يوريها لحد تاني ابداااا

http://kasperb4.blogspot.com/ said...

Soooo
--------
طب بس استفسار بسيط
my received files تقصد إيه بـ
يعني موجود فين بالظبط الفولدر ده على جهازك
وتبع أنهو برنامج
لأن في برامج كتير بعد تسطيبها تنشىء تلقائيا فولدر على الديكومنتس اسمه ماي ريسيفد فايلز

فياريت توضح أكتر المقصود
وانا تحت امرك في أي حاجة وف أي وقت ان شاء الله

http://kasperb4.blogspot.com/ said...

son's egypt
------------
وعليكم السلام ورحمة الله وبركاته
العفو
والحمد لله ان وصلك معلومة جديدة
ويارب دايما كده منورنا بإذن الله

Omar El-Tahan said...

هو فعلاً التحويل بين اي شيء في الكمبيوتر في السوفتوير من إصدار أحدث لإصدار أقدم يجب توخي الحذر فيه قدر الإمكان لأن ال
Backward Compatibility
أسهل بكتير من ال
Forward Compatibility
وأضمن

و خد بالك بعد كده من موضوع
Cut & Paste

الأفضل
Copy & Paste
وبعد كده امسح براحتك بعد ما تطمن ان كله سليم

مبروك على رجوع الحاجة

http://kasperb4.blogspot.com/ said...

Omar El-Tahan
----------------
كلامك مظبووط

انا اللي خلاني اعمل كت بدل كوبي
ان المساحة عندي كانت قليلة على الهارد
فمكنتش بقدر اعمل كوبي لأن الكوبي بيزود المساحة
فكنت مضطر اعمل كت عشان يفضي من هنا ويزود هنا وكده

وعموما الف شكر على نصيحتك
وكلامك ف الجوووون