Monday, November 5, 2007

غــير شكــل مــدونتـك


الكلمات الآتيه من تخاريف قلمي
وكل الحقوق محفوظه لمدونه عجوز وعندي 30 سنه وصاحبها سوووو
فهو صاحب الفكرة الأساسيه
عندما أقام حوار بينه وبين مدونته بكل ديمقراطيه
ندخل في الموضوع
بعد الحادثه الأخيرة .. والتي كانت بطلتها مدونه سووو الشهيرة
والتي أثارت بعض الغيرة ... بين المدونات ذات الجيره
حيث أنها أرادت تعمل نيو لوك لتظهر في شكل جديد
ولم يكن من سووو إلا أن
رضخ لأمرها وضرب بعرض الحائط كل العادات والتقاليد
وهنا ظهرت كلمه إشمعنى بين المدونات
إشمعنى مدونه سوووو بالذات ؟!
وهنا وجب إرضاء كل المدونات
أهي برضه لمانا ومستحملانا في كل الأوقات
لذا تم استيراد بعض الفساتين
من لندن وباريس وبرلين
كل مدونه تنقي اللي يناسبها
ومش عايزه مشاكل بينكم وبين بعضكم
وربنا يهدي سركم

نتكلم جد بقى ..
أولا لو تحب تعمل مدونه ومنعا للتكرار
فقد وجدت الأخت بنت مصريه كاتبه الطريقه بأسلوب بسيط
جزاها الله خيرا
وستجد موضوعها هنا http://bmadvice.blogspot.com/
? عملت المدونه
حسنا
الآن نريد أن نغير شكل المدونه
أولا يجب أن نبحث عن مواقع تتيح لنا اختيار قوالب مجانيه
يعني ببساطه ممكن تكتب في جوجل
blog template
وهو هيبحث لك
وأنا هنا أرشح لك بعض المواقع التي توفر لك هذا الأمر
مثل
http://freetemplates.blogspot.com/

تصفح واختر ما تشاء من الأشكال
نأتي للعمل .. فهل أنت جاهز

أولا يجب أنت تعرف أن القوالب ممكن أن تكون قديمه وتتبع الشكل الكلاسيكي
والتي كانت تكتب بلغه
HTML
وممكن أن تكون من النوع الحديث
والتي تكتب بلغه
XML
المهم أنه لا شأن لك باللغات
إذا ماذا ستفعل؟
ركز معي وابعت هات 2 شاى من استراحه الكاشفه علشان نركز صح
المهم
أي قالب ستختاره سيكون بجواره أو أسفل منه
إما
get it now
وفي هذه الحاله عندما تضغط عليها ستظهر نافذه تحتوى على الأكواد
كل ما عليك أن تقوم بنسخها وسنعرف بعد ذلك ماذا سنفعل
أو تجد بجوار القالب
download
وفي هذه ستقوم بتحميل الملفات وتخزينها على جهازك
وهذا موقع يحتوى على قوالب وكيف تحملها
http://blogger-templates.blogspot.com/search/label/XML

الملف الذي ستحمله غالبا سيكون مضغوط
استخدم في فتحه برنامج مناسب مثلا
win rar
عندما تفتحه ستجد به ملفات كثيره
الذي يهمنا هو الملف المكتوب فيه كل الأكواد
مثلا كالشكل التالي




الآن ماذا فعلنا
نسخنا الكود الخاص بالقالب
نحتاج الآن للصقه في المدونه في المنطقه الخاصه بذلك
شاهد الصور الآتيه واتبع الطريقه بنفس الترتيب















الآن سنأتي لمرحله لصق الكود
أولا إذا كان الكود من النوع القديم
فيجب أولا أن نضغط على
Revert to classic template
وستجدها أسفل الصفحه
كما في الصورة التاليه




ثم نلصق الكود في منطقه الأكواد وذلك بعد مسح الأكواد القديمه
ثم نضغط save template كما بالصورة التاليه


أما إذا كان القالب عملنا له داوونلود وخزناه ع الجهاز
ففي هذه الحاله نضغط
browseونحدد مكانه كما بالشكل التالي






وطبعا لو الكود من النوع الحديث
يجب أن نضغط على رقم 2 كما في الصورة السابق
وذلك بعد لصق الكود الجديد
مش عارفه هل نجحت في الشرح ولا لأ
على أيه حال جربوا وأنا معكم إن شاء الله
بقى أن أقول لكم شئ واحد
وهو أنكم
عند تغيير الشكل
ستفقد كل اللينكات أو الأكواد مثل الساعه والعداد الموجوده على جانب المدونه
لذا انسخها قبل كل شئ لتعيدها من جديد مع الشكل الجديد
أترككم تجربوا
تحيااااااتي

20 comments:

Soooo said...

هييييييييييييييه
يحي العدل
يحي العدل
وسامي العدل ومدحت العدل .. والعدل جروب كلهم

والله يا سلوى بغرض النظر .. بغرض النظر عن الموضوع يعني .. واللي في ناس ممكن تكون شايفه انه تقليد لموضوع بنت مصريه .. بس انا شايفه تكمله واضافة وتبسيط في الشرح وتوضيح لحاجات كتير انا نفسي ماكنتش واخد بالي منها لما عملت النيولوك بتاع مدونتي

كفاية ياستي انك ذكرتي اسمي واسم مدونتي
واللي زمانها دلوقتي بتتنطط فرحة وغرورا وانبهارا واذبهلالا بين مدونات آل بلوج سبوت وعائلة جوجل بيك

ومن هونا
ومن هاذوها الموضوع
اشكر كل من ساهم في رفع راية الاهلي في اخر ماتش
ونتمنى التوفيق لنادي حرس الحدود
وبالرفاء والبنين
وهابي فالانطاين
واهلا اهلا بالعيد
والسلامووووووووووووز ختاموووووووز

سلوى said...

Soooo
هلا خلا
كل اللخبطه دي من الفرحه

والله يا سووووووو
بغرض النظر طبعا عن من يعتقد ذلك

إلا إني ذكرت في البوست
إن بنت مصريه عامله موضوع عن كيقيه إنشاء مدونه
ووضعت اللينك بتاع الموضوع
وذلك منعا للتكرار
فما الإستفاده من أن أكتب
ما كتبه غيري
ولكني هنا
أكمل ما بدأته
وهو تغيير شكل المدونه
المهم
أتمنى أن يعجبكم الموضوع
وبغرض النظر بغرض النظر
إيه رأيك
مدونتك عملت شغل جامد
روح فرحها بقى
وقل لها
أختك عالم كمبيوتر بتسلم عليكي

سلاااااامووووووززززززز

L.G. said...

كويس جميل بس عايز دماغ
اشتريلي واحدة يا سلوى

منى said...

يبدو ان الموضوع ده حلوه ومهم جدا بس طبعا انتى عارفه مستوايا فى التكنولوجيا ولذا قد اضطر للاستعانه بالاخت رشا عشان
عموما مرسي يا لولو

الباحث عن الحقيقة said...

فى الحقيقة موضوع فى غاية الاهمية خاصة وان احنا الاخت بنات افكارى كانت اقترحت علينا شكلين مختلفين لبلوج الاستراحة بس مكناش عارفين ننزلهم ازاى
واكيد فى اخوه زينا كده او ناس عايزه تغير ومش عايزه تختار شكل او قالب تقليدى
الموضوع ممتاز ومفيد لجميع المدونين
واللى مش عايز يغير دلوقتى هيحب يتعلم علشان بعدين جايز يفكر
ملحوظه : القالب اللى قبل الاخير كان احلى من الحالى اللى هو كان فيه لاب توب من فوق ده

سلوى said...

الباحث عن الحقيقة

أشكرك على تواجدك أخي الكريم

وسعيده إن المدونه عجبتك والموضوع

وعلى فكرة
الشكل اللي كان قبل كده حصلت فيه مشكله

فغيرته

تحياااااتي

سلوى said...

L.G.

سعيده بتواجدك عزيزتي

هعمل مدونه جديده
لبيع قطع الغيار الدماغيه

بس الأسعاااااااااااار ناااااااااااااااااااار

اتحملوا بقى

نورتي

تحياااااتي

سلوى said...

عزيزتي منى

منورة والله وتسعديني بتواجدك

وبعدين هتسألي رشا

ماشي يا ست منى
ورشا بتسأل مين ؟

تحياااااااتي

Soooo said...

مدونتي بتسلم عليكي وبتقول لمدونتك الاقيش عندك فحل بصل احسن سي الاستاذ جوزي عايز ياكل مكرونه باشميلا وماعنديش لحمه مفرومه قلت اضحك عليه وافرمله بصلايه واشوحها واقوللو دي لحمه .. بس نوع جديد؟؟

وبغرض النظر عن اي حاجه بجد بقى .. المدونة بتاعتك شكلها دلوقتي شيك موووووز .. واقسملك بالله العظيم ان الشكل ده انا شفته وقلت ابقى ابعتلك ايميل بلينكايه ليه عشان تخليه يبقى شكل مدونتك
لكن الحمدلله انك عملتيه
فعلا
المدونات عند بعضها


سلاموووووووووز

سلوى said...

Soooo
بصل برضه يا سووو
ومكرونه باشميل كمان

معلش إنت كده متساهل مع مدونتك أوى
حيث أنها بعتاك شخصيا تستلف لها بصل
وكمان هتأكله لك على أساس إنه لحمه
ده كتير أوى بجد
بس ماشي برضه
استلم
كيلو بصل بحاله أهو
علشان تبقى أكله دسمه
أحسن مدونتك تزعل ودول أخوات برضه
المرة دي أعطيك كيلو بصل
المرة الجايه آخد فرخه من عندكم
وكده يعني المدونات لبعضها

بجد منور بتواجدك أخي الكريم
والحمد لله إن الشكل عجبكم
وشكرا يا سيدي على إنك كنت هتبعت لي اللينك
وكأنك بعته

تحياتي
وسلااااااااااموووووز

مجلة سيكولوجية مصرية said...

والله موضوع جامد ياسلوى
ومدونة اجامد واجامد


ورح اضيفها فى دليل مدونتى

تحياتى

أحمد مصطفى

سلوى said...

أحمد مصطفى

أشكرك على هذا التواجد

وطبعا غعتبر المدونه مدونتك

تحيااااااااااااااتي

moory-mero said...

السلام عليكم ورحمة الله وبركاته
انا شكلي هنام في المدونة دي
ههههههههههههه
بجد ممتعه جدا ويارب موش تزهقوا مني عشان هفضل فيها عشان افهم واتعلم واشارك براي وسؤال معاكم
لو موش يضايقكم

moory-mero said...

السلام عليكم ورحمة الله وبركاته

سلوى انا جربت وموش عرفت خالص موش عارفه ليه هعيط تده بجد
كان نفسي اغير فيها بس يلا اديني بحاول معاكي تاني
وحقيقي مدونتك كميلة خالث وحبيتها موت موش بقولك شكلي هبات عندك فيها كامده بجد خالث

تسلمي يا قمر

Hossam Nasr said...

السلام عليكم ورحمة الله وبركاته
أولا مبارك المدونة

ثانيا عندي رغبة في معرفة
كود أستطيع أن أدرج به هايبر تكست وإضافة لنكات إلى ذاك النص. وكف أستطيع أن أجعله بانر طولي أو عرضي

جزاكم الله خيرا

mostafa rayan said...

جزاك الله خيرا علي هذه المعلومات القيمة

lonlysmily said...

مش عارفه اقولك ايه بجد
بس انا كان نفسى اغير شكل المدونه علشان عيد ميلادها ومكنتش عارفه خالص
كتبت ع جوجل عايزة اغير شكلى مدونتى ولقيت البوست بتاعك اول واحد
وبجد كنتى بسيطه اوى فى الشرح واخيرا غيرت شكلها
ربنا يخليكى بجد
انا فرحانه اوى:D:D

Anonymous said...

thx moot 3ll post

good post

Anonymous said...

في خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - الطاقة المتجددة كبديل للطاقة النووية. فالطاقة النووية لها محاذيرها وهذا ماسوف نشرحه بالتفصيل.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

Anonymous said...

ببساطة غيرت نظرتي عن ايطاليا فصحيح فهناك أُناس يحيون المنطقة بجمال ابداعهم وهناك أُناس يميتون جميل ماقدمت وسطرت عمدتنا واضح إنّ لوقانو اجمل شاكر لك ومتابع ومستمتع هولمز