Friday, November 2, 2007

كلاكيت تالت مرة


1...2...3 1....2...3 حول هل تسمعني
لأ مش عايزه سوء ظن
صحيح رقم 3 إتكرر كتير بس مش علشان دي المدونه رقم 3 أبداً أبداً
أنا بس بعمل بث تجريبي وبجرب المايك
1...2...3 هل تسمعني حول
ياه المايك ده تقيل جدا ... ما علينا
نتكلم جد بقى ... كفايه كده .. دي مهما كان مدونه علميه يا جماعه

عندما نموت يجب أن نترك شئ
قال رسول الله صلى الله عليه وسلم

( إذا مات الإنسان انقطع عمله إلا من ثلاثة إلا من صدقة جارية أو علم ينتفع به أو ولد صالح يدعو له )
سبحان الله فعلا ما كان ينطق عن الهوى
فعلا بني آدم مش هيخرج عن واحد من الثلاته دول
إما ربنا يرزقه المال فيتصدق به
أو يرزقه العلم فيعلم غيره
أو يرزقه الزريه الصالحه التى تدعو له
المؤكد إن ربنا هيرزق كل واحد بالشئ المناسب له واللي سبحانه أعلم به
فهو أعلم بنفوس عباده
في إيه يا سلوى الكلام ده مكانه التأملات مش هنا يا ماما
هو من أولها كده الخطوط هتدخل في بعض
ركزي يا بنتي الله يخليكي .. قلنا بلاش مدونه تالته ماسمعتيش الكلام
ما علينا
خلاص خلاص
المهم
لأتني بقول لنفسي المدونه ممكن تكون حاجه من التلاته
اللي ممكن يفضلوا بعد الإنسان ما يموت
يعني اللي عنده علم في تخصص ما
يعمل مدونه يعرض فيها علمه
زي الدكتور يعمل مدونه لينصح الناس ويرشدهم للوقايه السليمه
المحامي .. يعمل مدونه للتعرف أكثر على حقوق الإنسان
المدرس .. كما تفضلت LG من قبل واقترحت
وهكذا
نتبادل العلم ولو اليسير منه كلا على قدره
ويا سلام بقى لو جمعنا كل روابط المدونات العلميه دي ووضعناهم في مكان واحد
في مدونه خاصه بالعناوين مثلا
أو مش عارفه الشكل ممكن يكون إزاي
بس فكرت من ممكن يقوم بهذا العمل
ولم أجد خير من شيخ المدونين الأخ الكريم عصفور المدينه
فهو أهل لثقه الجميع وحبهم ما شاء الله
مش عارفه ده مجرد حلم أو اقتراح
يا ريت تشاركوني فيه

13 comments:

Soooo said...

فكره بمليون جنيه وكتاب الله ياسلوى

فعلا عندك حق والله

ليه لأ

كملي ياستي .. وانا اول واحد معاكي والله

وبما اني اول واحد فاقترح انك تعملي سلسلة مواضيع تتكلمي فيها عن بدايات الكومبيوتر .. مين اللي عمله .. اول كومبيوتر كان عامل ازاي .. اتعمل ليه
وتبدأي تتدرجي في المواضيع لغاية ماتوصلي للشكل اللي احنا بنستخدمه دلوقتي
وياسلام بقى لو تميتي جميلك وبقيتي تحطي ايه اسعار الاجهزة وايه انسب جهاز يناسب كل فئة
وبرضه يبقى في مواضيع بتتكلم عن البرامج المختلفه للاستخدام .. وانا مستعد ياستي اني اتطوع معاكي واعمل شروح لبرامج الرسم الهندسي زي الاوتوكاد والفوتو شوب .. وباذن الله لما ادوس في الثر دي ماكس ابقى انزل شرح عنه

جو اون سلوى .. وربنا يجعلها يارب في ميزان حسناتك يوم القيامه


سلاموووووز

Salwa said...

منور يا سوووووو
وبأول تعليق

شكرا ع الكلمات المشجعه دي

أما بخصوص أول موضوع أنا بس منتظرة أخلص الشكل العام للمدونه

وطبعا بإذن الله هنتعرض للموضوعات اللي إنت اقترحتها
عايزين نعمل كل شئ عن الكمبيوتر
وطبعا مرحب بك بأي مشاركه
أو مساعده

المهم كلام في سرك
أول موضوع هيكون مفاجأه
ولك أنت بالذات
ما تستعجلش
قريب إن شاء الله هينزل
سلاااامووز بقى

الباحث عن الحقيقة said...

مبروك الاستايل الجميل والمناسب
والله يوفقك

منى said...

فكره جميله يا سلوى
ربنا يكرمك انا هبقى من اول تلاميذك واهو حاجه ببلاش كده
وحسب اقتراحك المفروض اعمل مدونه متخصصه بس فى ايه فى تخصصى الاصلى ولا فى شغلى دلوقتى؟

Salwa said...

أخي الباحث

أشكرك على الزيارة والتعليق
والحمد لله إن الأستايل عجبكم
وطلع مناسب

Salwa said...

إزيك يا منى فينك؟

وياستي تنوري في أي وقت

وبعدين إعملي في تخصصك
أو في شغلك الحالي
المهم تتركي علم ينتفع به

Ragi said...

الاخت سلوى
انا معك واضم صوتى لصوتك وادعو الله ان يعلمنا ما ينفعنا وان ينفعنا بما علمنا

L.G. said...

عزيزتي سلوى
فكرة كويسة ممكن ببساطة تحددي محامي ومهندس ودكتور زي الدكتور الحر مثلا ومدرس وكده دول يقدروا يكتبوا في المدونة وتخليها أبواب وبدل ما ندي دروس نعمل حاجة أفيد
أسئلة وإجابات يعني مثلا أسبوع القانون واحد عنده مشكلة مع مستأجر عايز يعرف رأي القانون فيها يبعت السؤال ومحامي المدونة يرد ولو لسه محام صغير يسأل حيكون في البحث عن الاجابة أفضل من صاحب المشكلة ويلخصله الموضوع
يعني استشارات
طب / صيدلة / تعليم / مشاكل في الحي / قانون / شعر وأدب /حاجات كده
دايما السؤال والاجابة أفضل وأيسر للتذكر ودمتم

Salwa said...

Ragi
تشرفت بزيارتكم
وأرجوا ان لا تكون الأخيرة
وأرحب بك وبمساعدتك في أي وقت

تحياااااتي

Salwa said...

L.G.

سعيده جدا بمرورك واقتراحك عزيزتي

بس الفكرة أني أردت

أن يقوم كل واحد بعمل مدونه في تخصص ما
ثم نجمع تلك الروابط في مدونه متخصصه لذلك
فمن يريد معلومه عن الكمبيوتر مثلا
يفتح المدونه الخاصه بذلك
وفي انتظار اقتراحاتكم

تحياتي

L.G. said...

كده فهمت ياريت وبرضه يفيدونا في حاجات كتير ممكن أعمل مدونة مستشارك النفسي لأني خبيرة بني أدمين واكتئاب وكل حاجة حلوة كده بس حتجيبي زباين ؟؟؟

Salwa said...

L.G.

جووووووووووووو اووووووووون
هجيبلك زباين
بالمئات

بس انت أعملي مدونه ولا تقلقي


أصحابي كلهم مجانين يا بنتي

ههههههههههه

تحيااااااتي

mariem_mero said...

السلام عليكم ورحمة الله وبركاته

بجد هاييييييييييل يا سلوى ربنا يجازيكي كل خير يارب
وانا هكون دائمة معاكي هنا كتلميذة ولو حد عايز اي حاجه اقدر اقدمها

بجد الفكرة هايلة جدا ومفيدة وثوابها اكبر لان زي ما قلتي هتفضل مستمرة لان العلم ده هينتفع بيه ناس كتير

استمري على بركه الله وهداه وربنا يوفقك ويوفقنا جميعا لما يحبه الله ويرضاه

:)